اسلام آباد: حڪومت پيٽروليم شين جي نون اگهن جو اعلان ڪري ڇڏيو آهي، جنهن تحت پيٽرول جي قيمت ۾ واڌ، جڏهن ته ڊيزل جي قيمت ۾ گهٽتائي ڪئي وئي آهي. پيٽروليم ڊويزن پاران جاري ڪيل نوٽيفڪيشن موجب پيٽرول جي قيمت ۾ 4 رپيا 45 پئسا في ليٽر واڌ ڪئي وئي آهي، جڏهن ته هاءِ اسپيڊ ڊيزل جي قيمت ۾ 2 رپيا في ليٽر گهٽتائي ڪئي وئي آهي. واڌ کان پوءِ پيٽرول جي نئين قيمت 333 رپيا ۽ 1 پئسو في ليٽر مقرر ڪئي وئي آهي، جڏهن ته ڊيزل جي نئين قيمت 383 رپيا ۽ 86 پئسا في ليٽر ٿي وئي آهي. حڪومت موجب پيٽروليم شين جي قيمتن ۾ هي تبديلي هڪ ڏينهن لاءِ لاڳو ڪئي وئي آهي. واضح رهي ته گذريل ڏينهن حڪومت پيٽرول جي قيمت ۾ 3 رپيا 39 پئسا ۽ ڊيزل جي قيمت ۾ 4 رپيا 7 پئسا في ليٽر گهٽتائي ڪئي هئي، جنهن کان پوءِ پيٽرول جي قيمت 328 رپيا 56 پئسا ۽ ڊيزل جي قيمت 385 رپيا 86 پئسا في ليٽر مقرر ڪئي وئي هئي.