اسلام آباد: سینیٹ اجلاس میں وزیرِ مملکت برائے داخلہ طلال چوہدری نے انسدادِ دہشتگردی ترمیمی بل 2025 پیش کیا جو کثرتِ رائے سے منظور کر لیا گیا۔
📌 اہم نکات:
- کسی بھی مشتبہ شخص کو ابتدائی 3 ماہ تک زیرِ حراست رکھا جا سکے گا۔
- آرٹیکل 10 کے تحت مدت میں مزید 3 ماہ کی توسیع ممکن ہوگی، یوں کل حراست 6 ماہ تک بڑھ سکتی ہے۔
- بل کی مدتِ نفاذ: 3 سال۔
- قانون کا اطلاق صرف دہشتگردی سے متاثرہ علاقوں میں ہوگا۔
- زیرِ حراست شخص کے خلاف تحقیقات مشترکہ تحقیقاتی ٹیم (JIT) کرے گی، جس میں پولیس، افواج اور ایجنسیوں کے افسران شامل ہوں گے۔
- صرف ٹھوس شواہد کی بنیاد پر گرفتاری ممکن ہوگی۔
👤 طلال چوہدری کا کہنا تھا کہ ملک میں حالات 2012–13 جیسے ہیں جہاں روزانہ 2 سے 3 اہلکار اور شہری شہید ہو رہے ہیں، لہٰذا دہشتگردی سے نمٹنے کے لیے سخت قوانین ناگزیر ہیں۔
⚖️ اپوزیشن (چیئرمین پی ٹی آئی بیرسٹر گوہر) نے بل کی مخالفت کرتے ہوئے کہا کہ یہ قانون بنیادی حقوق کے منافی ہے، سپریم کورٹ پہلے بھی اس نوعیت کے قوانین کو مسترد کر چکی ہے، عوام کا اعتماد مجروح ہو رہا ہے۔
