پاکستان تحریک انصاف کے ٹکٹ ہولڈر عبدالرزاق نیازی پی ٹی آئی کو خیر باد کہہ گئے۔ عبدالرزاق نیازی پی پی 209 خانیوال سے پی ٹی آئی کے ٹکٹ ہولڈر تھے۔انہوں نے لاہور میں پریس کانفرنس کرتے ہوئے کہا کہ آج تک کسی کا دباؤ نہیں لیا، اپنی مرضی سے سیاست کرتا ہوں۔پی ٹی آئی کا ٹکٹ عمران خان کو واپس دیتا ہوں اور مستعفے ہونے کا اعلان کرتا ہوں۔انہوں نے کہا کہ عوام کو فوج کے سامنے کھڑا کیا جا رہا ہے۔پاک فوج کی وجہ سے خطے میں دہشتگردی ختم ہوئی۔فوج کی ہی وجہ سے دشمن پاکستان کو ناکام کرنے کی کوشش نہیں کرتا۔فوجی گھر چھوڑ کر ملک کی سرحدوں کی حفاظت کرتے ہیں۔قیادت کی ہاتھ کے بغیر 9 مئی جیسے واقعات نہیں ہو سکتے تھے۔9 مئی کے واقعات نے دشمن کو خوش ہونے کا موقع دیا۔شہدا کی تصاویر جلا کر ہم نے دنیا کو کیا پیغام دیا۔خیال رہے کہ چئیرمین پی ٹی آئی عمران خان کی گرفتاری کے بعد 9 مئی کو ہونے والے واقعات کے بعد چاروں صوبوں سے تحریک انصاف کے رہنما پارٹی چھوڑ کر جا رہے ہیں۔ پاکستان تحریک انصاف کے رہنما و سابق رکن قومی اسمبلی عثمان ترکئی نے پارٹی چھوڑنے کا اعلان کردیا۔ میڈیا سے گفتگو کرتے ہوئے انہوںنے کہاکہ ہم پہلے مسلم لیگی تھے، اس کے بعد بھٹو شہید کیساتھ تھے،بعد میں ہم پی ٹی آئی میں شامل ہوگئے، عمران خان کے ساتھ انصاف کی باتیں کرنے کی وجہ سے شامل ہوئے تھے، مجھے پی ٹی آئی میں ہونے کے باوجود نظر انداز کیا گیا، پرویز خٹک نے مجھے آگے آنے نہیں دیا اور ہمارے خلاف صوبائی سطح پر سازش کی گئی۔انہوں نے پارٹی چھوڑنے کا اعلان کیا اور کہا کہ 9 مئی کے واقعات کی شدید مذمت کرتا ہوں، پی ٹی آئی کے ساتھ اب آگے نہیں چلیں گے، عدالت نے ہمیں بحال بھی کیا تو پی ٹی ائی کی سیٹوں پرنہیں بیٹھوں گا۔عثمان ترکئی نے کہاکہ عمران خان اور ان کی پارٹی نے دہشت گردی کی، کرنل شیر خان شہید سے یکجہتی میں ہم نے احتجاج کیا تھا، مشورے کے بعد فیصلہ کروں گا کہ کس پارٹی میں جانا ہے۔
50
