کراچی سے لاپتہ ہونے والی ایک اور خاتون کا اپنی مرضی سے جانے کا انکشاف

تفصیلات کے مطابق کراچی کے علاقے اتحاد ٹاؤن سے لاپتہ ہونے والی خاتون مل گئی، پولیس نے بتایا کہ خاتون اہلخانہ سےناراض ہوکر گھر سے چلی گئی تھی، خاتون کے اغوا کا مقدمہ اتحاد ٹاؤن میں درج کیا گیا تھا۔ پولیس کا کہنا تھا کہ خاتون نے ابتدائی بیان میں اپنی مرضی سے گھر سے جانے کا بتایا ہے۔ یاد رہے گذشتہ ہفتے گلشن اقبال پولیس نے مبینہ اغوا ہونے والی لڑکی کو نوشہرو فیروز بازیاب کرایا تھا، بعد ازاں ابتدائی تفتیش میں لڑکی نے بتایا تھا وہ اپنی مرضی سے گئی تھی۔ حکام کا کہنا تھا کہ چھاپے کے دوران مقدمے میں نامزد اظہر کو بھی گرفتار کرلیا ہے ، لڑکی کےاہل خانہ نےاظہر پر لڑکی کو اغواکرنے کا الزام لگایا تھا۔ پولیس نے بتایا تھا کہ مبینہ ملزم اظہر لڑکی کے محلے میں سیکیورٹی گارڈ ہے۔