تفصیلات کے مطابق رینجرز اور کیماڑی پولیس نے سائٹ ٹاون میں مشترکہ کارروائی کرتے ہوئے شہرقائد میں جرائم کی 300 سے زائد وارداتوں میں ملوث ملزم گرفتار کرلیا۔
ترجمان رینجرز کے مطابق ملزم عمران عرف سندھی انتہائی مطلوب تھا، ملزم متعدد شہریوں سے اب تک 58 لاکھ 40 ہزار چھین چکا ہے، ملزم ساتھیوں کے ہمراہ بینکوں سے پیسے لیکر نکلنے والے شہریوں کو لوٹتا تھا۔
ترجمان کا کہنا ہے کہ ملزم کے قبضے سے وارداتوں میں استعمال ہونے والا اسلحہ بھی برآمدکیا گیا، ملزم اپنے دیگر ساتھیوں کے ہمراہ بینکوں کے قریب شہریوں کو لوٹنے میں ملوث ہے۔
ترجمان رینجرز کا کہنا ہے کہ گرفتار ملزم کو ڈکیتی واردات کی سی سی ٹی وی فوٹیج میں بھی دیکھا جاسکتا ہے ملزم متعدد مرتبہ گرفتار ہوکر جیل بھی جاچکا ہے گرفتار ملزم عمران عرف سندھی کیخلاف کئی تھانوں میں مقدمات بھی درج ہیں ملزم کو قانونی کارروائی کیلئے پولیس کے حوالے کردیاگیا۔
