اٹلانٹا (15 جولائی 2026): فیفا ورلڈ کپ 2026 کے دوسرے سیمی فائنل میں آج روایتی حریف ارجنٹینا اور انگلینڈ اٹلانٹا میں مدمقابل ہوں گے، جبکہ دونوں ٹیموں کے درمیان تاریخی رقابت کے پیش نظر سیکیورٹی کے غیر معمولی انتظامات کیے گئے ہیں۔فٹبال کی دنیا میں ارجنٹینا اور انگلینڈ کی رقابت کو انتہائی سنسنی خیز سمجھا جاتا ہے۔ ماضی میں دونوں ٹیموں کے مقابلوں کے دوران شائقین کے درمیان کشیدگی اور جھڑپوں کے واقعات بھی سامنے آتے رہے ہیں، جس کے باعث اس میچ کو ہائی رسک قرار دیا جا رہا ہے۔75 ہزار سے زائد شائقین کی گنجائش والے اٹلانٹا اسٹیڈیم میں سیکیورٹی مزید سخت کر دی گئی ہے۔ پولیس اور دیگر قانون نافذ کرنے والے ادارے ہنگامی صورتحال سے نمٹنے کے لیے الرٹ ہیں، جبکہ دونوں ٹیموں کے شائقین کو الگ الگ داخلی راستوں سے اسٹیڈیم میں داخل کیا جائے گا۔واضح رہے کہ دونوں ٹیمیں 2002 کے بعد پہلی بار فیفا ورلڈ کپ میں ایک دوسرے کے مدمقابل ہوں گی، جبکہ دفاعی چیمپئن ارجنٹینا کے کپتان لیونل میسی اپنے کیریئر میں پہلی مرتبہ ورلڈ کپ میں انگلینڈ کے خلاف کھیلیں گے۔
