واشنگٹن: امریکی ریاست جنوبی کیرولائنا سے تعلق رکھنے والے ریپبلکن سینیٹر اور صدر ڈونلڈ ٹرمپ کے قریبی اتحادی لنزے گراہم 71 برس کی عمر میں انتقال کر گئے۔ ان کے دفتر نے اتوار کو جاری بیان میں ان کی وفات کی تصدیق کرتے ہوئے بتایا کہ وہ ہفتے کی شب مختصر اور اچانک علالت کے بعد انتقال کر گئے، تاہم بیماری کی مزید تفصیلات جاری نہیں کی گئیں۔
لنزے گراہم امریکی سینیٹ کی بجٹ کمیٹی کے چیئرمین تھے اور رواں برس نومبر میں سینیٹ کی پانچویں مدت کے لیے دوبارہ انتخاب لڑنے کی تیاری کر رہے تھے۔ وہ دفاع، خارجہ پالیسی اور قومی سلامتی کے امور پر ریپبلکن پارٹی کی نمایاں آواز سمجھے جاتے تھے۔
گراہم نے اپنے سیاسی کیریئر کا آغاز 1995 میں ایوانِ نمائندگان سے کیا اور 2002 میں پہلی بار امریکی سینیٹ کے رکن منتخب ہوئے۔ وہ اپنی پوری زندگی غیر شادی شدہ رہے اور حالیہ دنوں میں یوکرین سمیت مختلف بین الاقوامی دوروں میں بھی سرگرم تھے۔
جنوبی کیرولائنا کے قانون کے مطابق گورنر ہنری میک ماسٹر خالی ہونے والی سینیٹ نشست پر عبوری تقرری کریں گے، جبکہ ریپبلکن پارٹی آئندہ انتخابات کے لیے نیا امیدوار نامزد کرے گی۔
