فیفا ورلڈ کپ 2026 میں ٹائٹل جیتنے کا خواب میزبان ممالک کے لیے پری کوارٹر فائنل مرحلے ہی میں ختم ہوگیا۔ امریکا، کینیڈا اور میکسیکو تینوں میزبان ٹیمیں ناکامی کے بعد میگا ایونٹ سے باہر ہوگئیں۔پری کوارٹر فائنل میں بیلجیم نے امریکا کو 4-0 سے شکست دے کر ٹورنامنٹ سے باہر کر دیا۔ امریکی ٹیم اس سے قبل ایک کھلاڑی کی سزا سے متعلق تنازع کی وجہ سے بھی خبروں میں رہی، تاہم میدان میں وہ بیلجیم کے سامنے مزاحمت نہ کر سکی۔اس سے قبل کینیڈا کی ٹیم مراکش کے ہاتھوں 3-0 سے شکست کھا کر ایونٹ سے باہر ہونے والی پہلی میزبان ٹیم بنی۔دوسری جانب انگلینڈ نے سنسنی خیز مقابلے کے بعد میکسیکو کو 3-2 سے شکست دے کر سیمی فائنل میں جگہ بنا لی، جبکہ میکسیکو بھی ورلڈ کپ سے باہر ہو گیا۔ یوں تینوں میزبان ٹیموں کا عالمی ٹائٹل جیتنے کا خواب ادھورا رہ گیا۔
