معروف پاکستانی اداکار، گلوکار اور لکھاری Mohsin Abbas Haider نے انکشاف کیا ہے کہ شوبز انڈسٹری میں بعض اداکار، اداکارائیں اور ہدایت کار نشے کی حالت میں شوٹنگ سیٹس پر آتے ہیں، اور ایسے افراد پر فوری پابندی عائد ہونی چاہیے۔حال ہی میں ایک نجی پروگرام میں گفتگو کرتے ہوئے محسن عباس حیدر نے بتایا کہ انہوں نے سوشل میڈیا پر ایک پوسٹ شیئر کی تھی جس میں مطالبہ کیا گیا تھا کہ نشے کی حالت میں سیٹ پر آنے والے فنکاروں اور ہدایت کاروں کو کام کرنے کی اجازت نہیں ہونی چاہیے۔انہوں نے بتایا کہ پوسٹ کے بعد متعلقہ پروڈکشن ہاؤس نے ان سے رابطہ کیا اور دریافت کیا کہ آیا وہ اپنے موجودہ پراجیکٹ کے کسی فنکار کے بارے میں بات کر رہے ہیں۔ محسن عباس حیدر کے مطابق انہوں نے اس بات کی تصدیق کی، جس پر پروڈکشن ٹیم نے مکمل تحقیقات کی یقین دہانی کروائی۔اداکار نے اپنے تجربے کا ذکر کرتے ہوئے کہا کہ ایک موقع پر ایک اداکارہ شوٹنگ کے دوران توجہ مرکوز کرنے سے قاصر تھی اور گفتگو کے باوجود اس کی توجہ کسی اور جانب تھی۔ ان کا کہنا تھا کہ ایسی سرگرمیوں کی حوصلہ شکنی ہونی چاہیے جو معاشرے میں منفی اثرات پیدا کریں۔
