کابل/مزار شریف: ذرائع کے مطابق افغانستان کے شہر مزار شریف میں نامعلوم مسلح افراد نے داعش خراسان کے ایک اعلیٰ آپریشنل کمانڈر محمد احسانی کو ہلاک کر دیا۔
اطلاعات کے مطابق محمد احسانی نسلی طور پر تاجک تھا اور وہ خودکش بمباروں کو تربیت دینے اور پاکستان لانے کا ذمہ دار سمجھا جاتا تھا۔ ذرائع کا کہنا ہے کہ وہ 2022 میں پشاور کوچہ رسالدار دھماکے کا مرکزی سہولت کار تھا، جس میں 62 افراد شہید ہوئے تھے۔سیکیورٹی ذرائع کے مطابق ستمبر 2025 کے دوران خیبر پختونخوا میں آپریشن کے نتیجے میں داعش خراسان کے 3 دہشت گرد مارے گئے تھے، جن میں ایک افغان شہری بھی شامل تھا۔ذرائع کا مزید کہنا ہے کہ باجوڑ میں جاری آپریشن “سربکف” کے دوران سیکیورٹی فورسز داعش خراسان اور کالعدم ٹی ٹی پی کے سہولت کاروں کو نشانہ بنا رہی ہیں۔
