امریکی ریاست فلوریڈا میں کھیلے گئے دوسرے ٹی ٹوئنٹی میچ میں ویسٹ انڈیز نے سنسنی خیز مقابلے کے بعد پاکستان کو دو وکٹوں سے شکست دے کر تین میچوں کی سیریز 1-1 سے برابر کر دی۔
میچ کا فیصلہ آخری گیند پر ہوا، جب جیسن ہولڈر نے آخری گیند پر چوکا لگا کر ٹیم کو فتح دلائی۔ فتح کے لیے صرف 3 رنز درکار تھے اور جیسن نے نہ صرف یہ ہدف حاصل کیا بلکہ مین آف دی میچ کا ایوارڈ بھی اپنے نام کیا۔
🏏 پاکستانی اننگز کی جھلک:
پاکستان نے ٹاس جیت کر پہلے بیٹنگ کا فیصلہ کیا اور مقررہ اوورز میں 134 رنز بنائے۔
- حسن نواز نے سب سے زیادہ 40 رنز بنائے
- کپتان سلمان علی آغا نے 38 رنز کی ذمہ دارانہ اننگز کھیلی
- فخر زمان نے 20 رنز کا اضافہ کیا
ویسٹ انڈیز کی طرف سے جیسن ہولڈر سب سے کامیاب بولر رہے، جنہوں نے صرف 19 رنز کے عوض 4 وکٹیں حاصل کیں۔ گودا کیش موتی نے بھی 2 کھلاڑیوں کو پویلین بھیجا۔
⚡ ویسٹ انڈیز کی سنسنی خیز جیت:
جواب میں ویسٹ انڈیز نے آخری اوور تک کھیل کو گھسیٹا۔
- گودا کیش موتی نے 28
- کپتان شائی ہوپ نے 21
- روسٹن چیز اور ہولڈر نے 16، 16 رنز بنائے
محمد نواز اور صائم نے پاکستان کی جانب سے 3، 3 وکٹیں حاصل کیں لیکن ویسٹ انڈیز نے آخری گیند پر ہدف حاصل کر لیا۔
