بیجنگ : چینی ٹیکنالوجی کمپنی ہواوے نے 20 ہزار ایم اے ایچ بیٹری اور 100 واٹ فاسٹ چارجنگ کی صلاحیت رکھنے والے نئے اسمارٹ پاور بینک کی تیاری مکمل کرلی ہے، جسے جلد مارکیٹ میں پیش کیے جانے کا امکان ہے۔ رپورٹ کے مطابق نئے پاور بینک کو چینی 3سی سرٹیفکیشن حاصل ہوگیا ہے، سرٹیفکیشن ڈیٹا بیس میں یہ ڈیوائس ماڈل نمبر پی 0024 کے ساتھ رجسٹر کی گئی ہے اور اسے آل ان ون اسمارٹ پاور بینک کے طور پر متعارف کرایا جائے گا۔ یہ جدید پاور بینک خاص طور پر لیپ ٹاپ، ٹیبلٹ اور اسمارٹ فونز کو انتہائی تیز رفتاری سے چارج کرنے کے لیے ڈیزائن کیا گیا ہے۔