وفاقی وزیر دفاع خواجہ محمد آصف نے کہا ہے کہ وزیرِ اعظم پاکستان نے اقوام متحدہ کی جنرل اسمبلی کے اجلاس کے دوران پاکستان کو درپیش اندرونی چیلنجز اور عالمی سطح کے اہم امور کو انتہائی دوٹوک اور مؤثر انداز میں اجاگر کیا۔ انہوں نے کہا کہ وزیراعظم کے خطاب میں خطے کی امن و امان کی صورتحال، معاشی چیل جز اور موسمیاتی تبدیلیوں جیسے سلگتے ہوئے مسائل پر جامع موقف پیش کیا گیا، جس سے عالمی برادری کو پاکستان کے نقطہ نظر سے بخوبی آگاہ کیا گیا۔
وزیر دفاع نے اپنے ایک بیان میں مزید کہا کہ حکومت ملک کو درپیش معاشی اور سیاسی مشکلات سے نکالنے کے لیے دن رات کوشاں ہے اور بین الاقوامی فورمز پر پاکستان کا مؤقف پوری قوت کے ساتھ پیش کیا جا رہا ہے۔ انہوں نے اس عزم کا اعادہ کیا کہ پاکستان عالمی برادری کے ساتھ باوقار اور برابری کی سطح پر تعلقات کا خواہاں ہے، تاہم قومی مفادات پر کبھی سمجھوتہ نہیں کیا جائے گا۔ خواجہ آصف کا کہنا تھا کہ ملک اندرونی طور پر استحکام کی طرف گامزن ہے اور بیرونی چیلنجز سے نمٹنے کے لیے سیاسی اور عسکری قیادت ایک ہی پیج پر ہے۔تجزیہ کاروں کے مطابق، وزیرِ اعظم کا یہ خطاب ایسے وقت میں سامنے آیا ہے جب پاکستان کو سفارتی محاذ پر کئی اہم امور کا سامنا ہے، اور خواجہ آصف کی جانب سے اس کی تائید حکومتی صفوں میں یکجہتی کا مظہر ہے۔ انتہائی سنجیدہ اور متحرک ہے۔
