ریاض: سعودی اسپیس ایجنسی نے 2026 سے 2030 تک سعودی عرب کے آسمان پر نظر آنے والے اہم فلکیاتی مظاہر کے حوالے سے ایک معلوماتی گائیڈ جاری کردی ہے۔ایجنسی کے مطابق گائیڈ میں آئندہ پانچ برس کے دوران ہونے والے 62 بڑے فلکیاتی واقعات کی تفصیلات شامل ہیں۔ اس کا مقصد عوام اور فلکیات کے شوقین افراد میں خلائی سائنس اور فلکیاتی مظاہر سے متعلق آگاہی بڑھانا ہے۔گائیڈ میں سورج اور چاند گرہن، شہابیوں کی بارش، سیاروں کا باہمی ملاپ، جبکہ سال کے طویل ترین اور مختصر ترین دنوں سمیت مختلف فلکیاتی واقعات کی تفصیلات شامل ہیں۔عودی اسپیس ایجنسی کے مطابق:2026: 9 فلکیاتی واقعات027: 12 فلکیاتی واقعات2028: 14 فلکیاتی واقعات029: 15 فلکیاتی واقعات2030: 12 فلکیاتی واقعاتگائیڈ میں ہر واقعے کی سادہ تعریف، متوقع وقت، سائنسی نوعیت اور مشاہدے کے محفوظ طریقوں سے متعلق معلومات فراہم کی گئی ہیں، تاکہ عام افراد بھی ان فلکیاتی مظاہر کو آسانی سے سمجھ سکیں۔سعودی اسپیس ایجنسی نے فلکیات میں دلچسپی رکھنے والے افراد کو گائیڈ سے استفادہ کرنے اور آئندہ برسوں میں ہونے والے فلکیاتی واقعات کے اوقات و تفصیلات جاننے کے لیے اپنی ویب سائٹ سے رجوع کرنے کی دعوت دی ہے۔
