کراچی کا تاریخی علاقہ ناظم آباد اپنی شاندار تہذیب، علمی و ادبی روایات اور ہجرت کرکے آنے والی ممتاز شخصیات کی وجہ سے شہر کی منفرد شناخت رکھتا ہے۔ لیاری ندی کے کنارے آباد ہونے والی اس بستی نے مہاجرین کو نئی امید دی، جنہوں نے کراچی کی ثقافتی، تعلیمی اور ادبی ترقی میں نمایاں کردار ادا کیا۔ آج ناظم آباد شہر کے قدیم اور مصروف ترین رہائشی علاقوں میں شمار ہوتا ہے، تاہم ماضی میں شہر کی حدود لیاری ندی کے پل تک محدود تھیں، جبکہ اس سے آگے سنسان میدان، گھنے جنگلات اور جنگلی جانوروں کی آماجگاہ ہوا کرتی تھی۔
