لاہور (21 جولائی 2026): لاہور کے علاقے میں پولیس کی جانب سے خطرناک ڈاکو حسنین بٹ عرف سنی کی گرفتاری کے لیے کیے گئے چھاپے کے دوران ملزم کی اندھا دھند فائرنگ سے ایک بے گناہ خاتون جاں بحق ہو گئی، جبکہ ملزم فرار ہونے میں کامیاب ہو گیا۔پولیس کے مطابق چھاپے کے دوران ملزم حسنین بٹ عرف سنی نے گرفتاری سے بچنے کے لیے پولیس پر فائرنگ کر دی۔ فائرنگ کے دوران گلی میں موجود ایک خاتون گولی لگنے سے موقع پر ہی دم توڑ گئی، جبکہ ملزم موقع سے فرار ہو گیا۔واقعے کی اطلاع ملتے ہی ایس پی کینٹ پولیس کی بھاری نفری کے ہمراہ جائے وقوعہ پر پہنچے، علاقے کو گھیرے میں لے لیا گیا اور فرانزک ٹیموں نے شواہد اور گولیوں کے خول جمع کرکے تحقیقات کا آغاز کر دیا۔پولیس کا کہنا ہے کہ فرار ہونے والے ملزم حسنین بٹ عرف سنی کی گرفتاری کے لیے مختلف مقامات پر چھاپے مارے جا رہے ہیں۔
