پنجاب حکومت نے شہریوں کی سہولت کے لیے پراپرٹی ٹیکس کی ادائیگی کے نظام کو مزید آسان بناتے ہوئے Punjab Information Technology Board (پی آئی ٹی بی) کے تحت قائم 15 ای خدمت مراکز پر پراپرٹی ٹیکس جمع کرانے کی سہولت فراہم کر دی ہے۔حکومتی اعلامیے کے مطابق شہری اب اپنے پراپرٹی ٹیکس کی ادائیگی ایک ہی چھت تلے بغیر کسی پیچیدہ مرحلے یا اضافی دشواری کے تیز، آسان اور محفوظ طریقے سے کر سکتے ہیں۔ اس سہولت سے ٹیکس دہندگان کا وقت اور محنت دونوں کی بچت ہوگی۔حکام کے مطابق اس اقدام کا مقصد ٹیکس ادائیگی کے نظام کو جدید خطوط پر استوار کرنا، شفافیت کو فروغ دینا اور عوام کو بہتر اور معیاری خدمات فراہم کرنا ہے۔
