کراچی: ملک بھر سمیت کراچی کے صارفین کے لیے بھی بجلی کی قیمت میں ایک روپے 19 پیسے فی یونٹ اضافہ کر دیا گیا ہے۔ یہ اضافہ اپریل 2026 کی فیول پرائس ایڈجسٹمنٹ کی مد میں کیا گیا ہے، جس کا باقاعدہ نوٹیفکیشن جاری کر دیا گیا ہے۔نوٹیفکیشن کے مطابق ماہانہ ایڈجسٹمنٹ کا اطلاق K-Electric کے صارفین پر بھی ہوگا، جبکہ اضافی رقم جون 2026 کے بجلی بلوں میں وصول کی جائے گی۔رپورٹس کے مطابق Central Power Purchasing Agency (سی پی پی اے) نے اپریل کی فیول ایڈجسٹمنٹ کے لیے ایک روپے 73 پیسے فی یونٹ اضافے کی درخواست کی تھی۔دوسری جانب وفاقی وزیر توانائی Awais Leghari نے اعتراف کیا ہے کہ بجلی کے بلوں میں فکسڈ چارجز دگنے ہو چکے ہیں۔ایک ٹی وی پروگرام میں گفتگو کرتے ہوئے انہوں نے کہا کہ بجلی کے بل کی فکسڈ لاگت پورے سال یکساں رہتی ہے، تاہم زیادہ یونٹ استعمال کرنے کی صورت میں اس کا تناسب کم محسوس ہوتا ہے۔ ان کے مطابق پہلے فکسڈ لاگت بل کا 3 سے 4 فیصد ہوا کرتی تھی، جو اب بڑھ کر 10 فیصد تک پہنچ گئی ہے۔وفاقی وزیر نے دعویٰ کیا کہ گھریلو صارفین کے لیے بجلی کے نرخوں میں مجموعی کمی آئی ہے اور اگر سبسڈی برقرار رہی تو بجلی مزید 5 سے 6 روپے فی یونٹ سستی ہو سکتی ہے۔
