کراچی (ویب ڈیسک): عید تعطیلات کے اختتام پر ملک بھر کے شہریوں کے لیے خوشخبری سامنے آئی ہے کہ سونے اور چاندی کی قیمتوں میں کمی ریکارڈ کی گئی ہے۔
صرافہ ایسوسی ایشن کے مطابق عالمی مارکیٹ میں سونے اور چاندی کی قیمتوں میں کمی کے بعد مقامی مارکیٹ پر بھی اس کا اثر پڑا ہے۔
پاکستان میں فی تولہ سونے کی قیمت میں 500 روپے کی کمی ہوئی ہے، جس کے بعد نئی قیمت 4 لاکھ 74 ہزار 882 روپے فی تولہ ہو گئی ہے، جبکہ 10 گرام سونا 393 روپے سستا ہو کر 4 لاکھ 7 ہزار 117 روپے کا ہو گیا ہے۔
چاندی کی قیمت میں بھی کمی دیکھی گئی ہے، جس کے مطابق فی تولہ چاندی 72 روپے سستی ہو کر 8 ہزار 34 روپے پر آ گئی ہے۔
عالمی مارکیٹ میں بھی فی اونس سونا 5 ڈالر کمی کے بعد 4525 ڈالر فی اونس تک پہنچ گیا ہے۔
ماہرین کے مطابق سونا روایتی طور پر محفوظ سرمایہ کاری سمجھا جاتا ہے، اور اس کی قیمت عالمی معاشی حالات، مہنگائی اور سیاسی غیر یقینی صورتحال کے دوران زیادہ متاثر ہوتی ہے۔
پاکستان میں گزشتہ برس سونے کی قیمت کے تعین کے طریقہ کار میں تبدیلی کی گئی تھی، جس کے تحت مقامی سطح پر قیمت عالمی مارکیٹ ریٹ سے 20 ڈالر فی اونس زیادہ مقرر کی گئی ہے۔
