لندن: برطانیہ نے افغانستان میں ہلاکت خیز زلزلے سے متاثرہ خاندانوں کی مدد کے لیے ایک ملین پاؤنڈز کے ہنگامی پیکج کا اعلان کیا ہے۔ یہ امداد اقوام متحدہ کی پاپولیشن فنڈ (UNFPA) کی کوششوں کو سہارا دینے کے لیے فراہم کی جا رہی ہے۔امداد کی تفصیلات موبائل ہیلتھ ٹیمیں ایمرجنسی ہیلتھ کِٹس بے گھر افراد کے لیے پناہ گاہیں متاثرہ خواتین کے لیے زچگی کی صحت کی سہولیات نفسیاتی مدد اقوام متحدہ کی ٹیمیں متاثرہ صوبہ کنڑ میں اسپتالوں اور کلینکس پر فوری طبی سہولیات فراہم کر رہی ہیں۔افغانستان میں زلزلہ اتوار کی شب مشرقی افغانستان کے صوبہ کنڑ اور ننگرہار میں شدید زلزلہ آیا۔طالبان حکومت کے مطابق زلزلے میں 800 سے زائد افراد جاں بحق ہوئے، جبکہ ہزاروں زخمی اور بے گھر ہو گئے ہیں۔درجنوں گاؤں تباہ اور لینڈ سلائیڈنگ کے باعث امدادی سرگرمیوں میں مشکلات پیش آ رہی ہیں۔عالمی ردعمل اقوام متحدہ کے سیکریٹری جنرل انتونیو گوتیرس نے متاثرین سے ہمدردی کا اظہار کرتے ہوئے کہا کہ یو این کی 20 ٹیمیں متاثرہ علاقوں میں سرگرم عمل ہیں۔دنیا بھر کے ممالک اور انسانی امدادی ادارے خوراک، پانی، طبی سہولیات اور عارضی رہائش فراہم کر رہے ہیں۔مختلف حکومتوں نے افغانستان کو اس آفت کے بعد بحالی میں مدد دینے کا وعدہ کیا ہے۔
