خیبرپختونخوا میں گزشتہ 48 گھنٹوں سے جاری شدید بارشوں اور سیلاب نے بڑے پیمانے پر تباہی مچائی ہے جس کے نتیجے میں متعدد قیمتی جانیں ضائع ہوئی ہیں۔ صوبے کے کئی اضلاع میں سیلابی ریلوں نے معمولات زندگی کو بری طرح متاثر کیا ہے۔پی ڈی ایم اے کے اعداد و شمار کے مطابق، اب تک 307 افراد ان حادثات میں اپنی جان گنوا چکے ہیں، جبکہ 23 افراد زخمی ہوئے ہیں۔ جاں بحق ہونے والوں میں 279 مرد، 15 خواتین اور 13 بچے شامل ہیں، جبکہ زخمیوں میں 17 مرد، 4 خواتین اور 2 بچے شامل ہیں۔سب سے زیادہ متاثرہ اضلاعیہ تباہی زیادہ تر سوات، بونیر، باجوڑ، تورغر، مانسہرہ، شانگلہ اور بٹگرام کے اضلاع میں ہوئی ہے۔ باجوڑ اور بٹگرام سب سے زیادہ متاثر ہوئے ہیں، جبکہ بونیر میں ہلاکتوں کی تعداد 184 ہے۔ان بارشوں اور سیلاب کی وجہ سے 74 گھر بھی تباہ ہوئے ہیں، جن میں سے 11 مکمل طور پر منہدم ہو گئے ہیں۔محکمہ موسمیات نے خبردار کیا ہے کہ شدید بارشوں کا یہ سلسلہ 21 اگست تک جاری رہ سکتا ہے۔ حکومت کی جانب سے امدادی سرگرمیاں جاری ہیں اور متاثرہ علاقوں کے لیے فنڈز بھی جاری کیے گئے ہیں۔
