14 اگست کو پاکستان کے یومِ آزادی کے موقع پر، گوگل نے ایک خصوصی ڈوڈل جاری کیا جو دنیا بھر میں توجہ کا مرکز بن گیا۔ اس ڈوڈل نے جشنِ آزادی پر پاکستانیوں کی خوشیوں کو مزید بڑھا دیا۔
اس سال کے ڈوڈل میں، گوگل نے ایک نئے انداز میں پاکستانی پرچم کو پیش کیا۔ یہ پرچم آسمان کی وسعت میں لہراتا ہوا دکھایا گیا ہے، جس کے ساتھ حال ہی میں ہونے والے آپریشن بنیان مرصوص کی کامیابی کو بھی نمایاں کیا گیا ہے۔ یہ ڈوڈل نہ صرف پاکستان کی آزادی بلکہ اس کی بہادری اور عزم کا بھی عکاس ہے۔
گوگل عام طور پر اپنے ڈوڈلز میں کسی بھی ملک کی ثقافت اور روایات کو ظاہر کرتا ہے۔ اس بار بھی اس نے لہراتے ہوئے پاکستانی پرچم کے ذریعے ملک کی روح اور جذبے کو خراجِ تحسین پیش کیا ہے۔
پس منظر:
گوگل 2011 سے ہر سال پاکستان کے یومِ آزادی پر خصوصی ڈوڈل بناتا آ رہا ہے۔ اس سلسلے کا آغاز ایک ایسے سبز رنگ کے ڈوڈل سے ہوا تھا جس پر چاند، ستارے اور مینارِ پاکستان بنے ہوئے تھے، اور اس طرح گوگل نے پاکستانی قوم کو مبارکباد دینے کا سلسلہ شروع کیا تھا۔
