مون سون کے اثرات بڑھنے لگے ہیں اور پی ڈی ایم اے کی جانب سے شہریوں کے لیے احتیاطی الرٹ جاری کر دیا گیا ہے۔ ڈی جی پی ڈی ایم اے عرفان علی کاٹھیا نے ضلعی انتظامیہ کو ہدایت کی ہے کہ وہ مکمل طور پر الرٹ رہیں اور ممکنہ خطرات سے نمٹنے کے لیے تیار رہیں۔
دریائے چناب (خانکی)، دریائے سندھ (کالا باغ، چشمہ، تونسہ) کے مقامات پر اس وقت نچلے درجے کا سیلاب ریکارڈ کیا جا رہا ہے۔
⛈ عوام کے لیے احتیاطی ہدایات:
پی ڈی ایم اے نے شہریوں سے اپیل کی ہے کہ برسات کے موسم میں خصوصی احتیاط برتیں:
- بچوں کو نالوں، دریاؤں، نہروں اور نشیبی علاقوں میں جانے سے روکیں
- بارش کے دوران غیر ضروری سفر سے گریز کریں
- مقامی انتظامیہ کی ہدایات پر عمل کریں
🏔 خیبرپختونخوا میں گلیشیائی جھیلیں خطرے میں
خیبرپختونخوا کے پہاڑی علاقوں میں گلیشیائی جھیلیں پھٹنے (GLOF) کا خطرہ بھی بڑھ گیا ہے، جس کے پیشِ نظر وہاں خصوصی الرٹ جاری کر دیا گیا ہے۔
📊 اب تک کا نقصان:
- 162 شہری جاں بحق
- 571 زخمی
- 214 مکانات متاثر
- 121 مویشی ہلاک
