تفصیلات کے مطابق برطانیہ، روس، یورپی یونین، جرمنی، فرانس، ناروے، ترکیہ، ایران، آذربائیجان اور رومانیہ کی جانب سے جعفر ایکسپریس پر حملے کی مذمت کی گئی۔ برطانوی وزیرخارجہ ڈیوڈلیمے نے کہا بلوچستان حملے میں جاں بحق افراد کے اہل خانہ کے ساتھ کھڑے ہیں۔ روسی سفارت خانے کے ترجمان کا کہنا تھا کہ شہریوں کو انسانی ڈھال کے طور پر استعمال کرنے کا حربہ قطعی ناقابل قبول ہے۔ یورپی یونین کی سفیر ریناکونیکا نے کہا پاکستان کےعوام اور متاثرین کے اہل خانہ سے تعزیت کرتے ہیں۔ پاکستان میں فرانسیسی سفارتخانے نے جعفر ایکسپریس ٹرین دہشت گردی کی مذمت کرتے ہوئے کہا پاکستانی عوام کے ساتھ بھرپور اظہار یکجہتی کرتے ہیں۔ وزارت خارجہ ترکیہ نے کہا بلوچستان میں ٹرین پردہشت گردانہ گھناؤنےحملےکی مذمت کرتےہیں اور حملےمیں زخمی افرادکی جلدصحت یابی کیلئے دعاگو ہیں۔ ایرانی سفارت خانے کے ترجمان کا کہنا تھا کہ شہریوں کیخلاف تشددانسانیت کیخلاف بزدلانہ جرم ہیں۔ آذربائیجان کی جانب سے بھی جعفرایکسپریس ٹرین دہشت گردی کی مذمت کرتے ہوئے کہا گیا کہ مشکل وقت میں برادراسلامی جمہوریہ پاکستان کیساتھ ہیں۔ نارویجن سفارتخانہ کے ترجمان نے کہا ناروے بلوچستان میں مسافر ٹرین پرحملےکی مذمت کرتا ہے، ہماری گہری ہمدردیاں متاثرین اوراہل خانہ کیساتھ ہیں۔ رومانیہ کا دہشتگرد حملے کی مذمت کرتے ہوئے کہنا تھا کہ کسی بھی گروہ کرسیاسی مقاصد کیلئے تشدد کا سہارا لینا ناقابل برداشت ہے۔
