لاہور میں ابو الحسن علی بن عثمان جلابی ہجویری غزنوی المعروف داتا گنج بخش ؒ کے مزار کوغسل دینے کی تقریب ہوئی نگران وزیراعلی پنجاب محسن نقوی،وفاقی وزیر خزانہ اسحاق ڈاراوردیگر شخصیات نے مزار کو عرق گلاب سے غسل دیا محسن نقوی اوراسحاق ڈار نے مزار پرپھولوں کی چادر چڑھائی۔اس موقع پر ملک کی ترقی، خوشحالی،استحکام اورقیام امن کیلئے دعا بھی کی گئی وزیر خزانہ اسحاق ڈار نے محسن نقوی کو مبارک باد دیتے ہوئے کہا کہ داتا دربار کی توسیع کا کارنامہ سنہری حروف سے لکھا جائے گا۔ 1999 میں نواز شریف کے دور میں بھی دربار کی توسیع کی گئی نگران وزیر اعلی نے کہا کہ حضرت داتا علی ہجویری کی تعلیمات ہمارے لئے روشن باب ہیں،محرم الحرام کے ایام امت مسلمہ شہدائے کربلا کی لازوال قربانیوں کو خراج عقیدت پیش کرتی ہے۔انہوں نے کہا کہ آن لائن نذرانہ ایپ کا افتتاح کر دیا ہے،کوئی بھی شخص آن لائن دیگ دے سکتا ہے اور چادر چڑھا سکتا ہے
87
