وزیراعظم شہباز شریف نے کہا ہے کہ پاکستان بہت جلد امریکا اور ایران کے درمیان مذاکرات کے اگلے دور کی میزبانی کرے گا۔ انہوں نے صدر Donald Trump کو قیامِ امن کے لیے غیر معمولی کوششوں پر مبارک باد بھی پیش کی۔
سماجی رابطے کی ویب سائٹ ایکس پر اپنے بیان میں وزیراعظم نے کہا کہ پاکستانی قیادت کے ساتھ صدر ٹرمپ کی مفید اور تعمیری ٹیلیفونک گفتگو ہوئی۔ انہوں نے بتایا کہ امن عمل میں پاکستان کی نمائندگی فیلڈ مارشل عاصم منیر نے کی، جن کی انتھک کوششیں قابلِ تحسین ہیں۔
وزیراعظم کے مطابق پاکستان نے مذاکرات کو ایک اور موقع فراہم کرتے ہوئے امن کوششوں کو آگے بڑھانے میں اہم کردار ادا کیا ہے، اور پاکستان خلوصِ نیت کے ساتھ اپنی سفارتی اور امن کوششیں جاری رکھے گا۔
