Farooq Sattar نے منشیات فروش انمول عرف پنکی کے معاملے کو قومی اسمبلی، سینیٹ اور سندھ اسمبلی میں اٹھانے کا اعلان کرتے ہوئے حکومت کی کارکردگی پر سخت سوالات اٹھا دیے۔
اسلام آباد میں میڈیا سے گفتگو کرتے ہوئے ایم کیو ایم پاکستان کے رہنما نے کہا کہ 15 سال بعد ایک منشیات فروش کی گرفتاری حکومت کی ناکامی کا ثبوت ہے۔ انہوں نے سوال کیا کہ انمول عرف پنکی برسوں تک کس کی سرپرستی میں سرگرم رہی؟فاروق ستار نے گرفتار ملزمہ کو پروٹوکول دینے کی مذمت کرتے ہوئے کہا کہ کراچی کے تعلیمی اداروں میں منشیات کی آسان دستیابی انتہائی تشویشناک ہے۔ انہوں نے مطالبہ کیا کہ صرف چھوٹے کرداروں کے بجائے منشیات مافیا کے بڑے سرپرستوں کو بھی بے نقاب کیا جائے۔انہوں نے اعلان کیا کہ Muttahida Qaumi Movement Pakistan اس معاملے کو پارلیمنٹ اور صوبائی اسمبلی میں بھرپور انداز میں اٹھائے گی۔آئندہ بجٹ پر بات کرتے ہوئے فاروق ستار نے کہا کہ اصل آئینی ترمیم وہ ہوگی جس سے عوام کو ریلیف ملے۔ انہوں نے گیس، بجلی اور اشیائے ضروریہ پر ٹیکس کم کرنے اور بلدیاتی اداروں کو مالی و انتظامی اختیارات دینے کا مطالبہ کیا۔سندھ کے شہری مسائل پر تبصرہ کرتے ہوئے انہوں نے کہا کہ کراچی، حیدرآباد اور سکھر کے ساتھ امتیازی سلوک کیا جا رہا ہے، جبکہ جعلی ڈومیسائل شہری نوجوانوں کے حقوق پر ڈاکا ہیں۔
