ماسکو : روس کے دارالحکومت ماسکو کے شاپنگ مال میں گرم پانی کا پائپ پھٹنے سے 4 افراد ہلاک ہو گئے غیر ملکی میڈیا کے مطابق ہفتے کے روز مغربی ماسکو میں ایک شاپنگ مال میں گرم پانی کا پائپ پھٹنے سے چار افراد ہلاک اور 10 زخمی ہو گئے ہیں شہر کے میئر سرگئی سوبیانین نے واقعے کو المیہ قرار دیتے ہوئے میڈیا کو بتایا کہ زخمی ہونے والوں میں سے کچھ جھلس گئے ہیں، جنھیں اسپتال منتقل کر کے طبی امداد دی جا رہی ہے، روسی خبر رساں ایجنسیوں نے تفتیش کاروں کے حوالے سے بتایا کہ اس جگہ پر امونیا کا کوئی اخراج نہیں ہوا، ابتدائی طور پر جس کا شبہ کیا جا رہا تھا سامنے آنے والی ویڈیو فوٹیج میں پوری عمارت میں پانی بہتا اور دروازے سے بھاپ نکلتے ہوئے دیکھا گیا، وریمینا گوڈا نامی یہ شاپنگ مال 2007 میں کھولا گیا تھا اور اس میں 150 سے زیادہ اسٹورز ہیں
93
