کراچی کے علاقے شاہ لطیف ٹاؤن سے اغوا ہونے والا تین سالہ بچہ زین مورو، ضلع نوشہرو فیروز سے بازیاب کر لیا گیا ہے۔ ملزمان نے بچے کی رہائی کے لیے 2 کروڑ روپے تاوان کا مطالبہ کیا تھا۔ملیر پولیس اور سی پی ایل سی نے مشترکہ کارروائی کرتے ہوئے ایک گھر سے بچے کو بحفاظت بازیاب کرایا اور ایک ملزم کو گرفتار کر لیا۔ ایس ایس پی عبدالخالق پیرزادہ کے مطابق، ملزمان نے زین کو گھر کے قریب کھیلتے ہوئے اغوا کیا۔
کارروائی کے دوران ڈی ایس پی اور ایس ایچ او شاہ لطیف کی سربراہی میں ٹیم تشکیل دی گئی تھی، جبکہ اے وی سی سی اور نوشہرو فیروز پولیس بھی شامل تھی۔اب گرفتار ملزم سے پوچھ گچھ جاری ہے تاکہ یہ معلوم کیا جا سکے کہ تین سالہ بچے کو کراچی سے 400 کلومیٹر دور مورو کیسے لے جایا گیا، اور اس کے دیگر ساتھیوں کی تلاش بھی جاری ہے۔
