کراچی سندھ کابینہ نے کراچی میں رینجرز کی تعیناتی مزید ایک سال کے لیے بڑھانے کی منظوری دے دی ہے ترجمان وزیر اعلیٰ سندھ کے مطابق رینجرز انسدادِ دہشت گردی ایکٹ کے تحت پولیس کے ساتھ اختیارات کا استعمال جاری رکھے گی۔ نئی مدت 9 دسمبر 2025 سے مؤثر ہوگی وزیر اعلیٰ سید مراد علی شاہ کی زیر صدارت منعقدہ کابینہ اجلاس میں متعدد فیصلے کیے گئے، جن میں ڈی ایچ اے پائپ لائن منصوبے کے لیے پانی کے نرخ میں کمی شامل ہے۔ پانی کی قیمت 0.85 روپے سے کم کر کے 0.60 روپے فی گیلن مقرر کر دی گئی کابینہ کو بتایا گیا کہ نیا ٹیرف KWSB اور DHA کے مذاکرات کے بعد طے پایا، جب کہ ادائیگی کی مدت 10 سال برقرار رکھی گئی منصوبے کی مالی پائیداری اور ڈی ایچ اے کے لیے قابلِ برداشت نرخ کو پیشِ نظر رکھا گیا مزید برآں، سندھ کابینہ نے براؤن فیلڈ سائٹس کی ازسرِ نو ترقی کے لیے کاربن فنانس حکمتِ عملی کی منظوری دی
محکمہ توانائی نے تجویز دی کہ پرانی صنعتوں کی زمینوں پر سولر پارکس اور ونڈ فارمز قائم کیے جائیں جام چکرو سائٹ کو جدید لینڈ فل میں تبدیل کرنے اور دیگر ویسٹ سائٹس کو اپ گریڈ کرنے کا فیصلہ کیا گیا۔ وزیر اعلیٰ نے ہدایت دی کہ سائنسی بنیادوں پر لینڈ فل سائٹس اور بائیو گیس منصوبے تیار کیے جائیں۔
