حکومت نے شہریوں کے لیے دلکش اور منفرد گاڑیوں کے رجسٹریشن نمبرز حاصل کرنے کی آن لائن رجسٹریشن کا آغاز کر دیا ہے۔ دلچسپی رکھنے والے شہری 30 نومبر تک رجسٹریشن کرا کے اپنی پسند کا نمبر حاصل کر سکتے ہیںیہ سہولت نئی ای آکشن ایپ اور ویب پورٹل کے ذریعے دستیاب ہے۔ جدید نظام محکمہ ایکسائز، ٹیکسیشن اینڈ نارکوٹکس کنٹرول پنجاب نے پنجاب انفارمیشن ٹیکنالوجی بورڈ (PITB) کے اشتراک سے تیار کیا ہے اور نومبر میں باضابطہ طور پر لانچ کیا گیااس نظام کے تحت کاروں اور موٹر سائیکلوں دونوں کے رجسٹریشن نمبرز کی نیلامی آن لائن کی جا رہی ہے، جبکہ کامیاب بولی دہندگان کی تفصیلات ایپ پر عوامی طور پر دستیاب ہوں گیچیئرمین پی آئی ٹی بی فیصل یوسف نے بتایا کہ ای آکشن سسٹم نے نیلامی کے پورے عمل کو مکمل طور پر ڈیجیٹل، شفاف اور آسان بنا دیا ہے، جس سے شہری اپنے گھروں میں بیٹھے بآسانی حصہ لے سکتے ہیں
ماہرین کے مطابق خوبصورت یا “خصوصی” نمبر پلیٹس حاصل کرنے کی دو بڑی وجوہات ہیں: ذاتی اظہار اور سماجی وقار۔ کئی شہری ایسے نمبرز پسند کرتے ہیں جو شخصی یا مذہبی اہمیت رکھتے ہوں، جیسے 786، 111 یا پیدائش کی تاریخ، جبکہ کچھ لوگ یہ نمبر اپنی حیثیت اور امتیاز ظاہر کرنے کے لیے حاصل کرتے ہیںچونکہ ایسے نمبرز محدود اور قیمتی ہوتے ہیں، اس لیے یہ اسٹیٹس سمبل بن جاتے ہیں۔ ایک پرکشش نمبر پلیٹ نہ صرف ذاتی شناخت کا اظہار ہے بلکہ خوشحالی اور اثرورسوخ کی علامت بھی سمجھی جاتی ہے۔
