پشاور: خیبرپختونخوا اسمبلی نے گورنمنٹ سرونٹس ہاؤسنگ فاؤنڈیشن بل کی منظوری دے دی، جس کے تحت سرکاری ملازمین کو ریٹائرمنٹ یا دورانِ ملازمت وفات کی صورت میں پلاٹس دیے جائیں گے بل کی اہم شقیں منظور شدہ بل کے مطابق:
تمام سرکاری ملازمین کے لیے فاؤنڈیشن کے ساتھ رجسٹریشن لازمی ہوگی۔ رجسٹریشن فیس کے ساتھ ساتھ ماہانہ بنیاد پر تنخواہوں سے کٹوتی کی جائے گی۔ پلاٹس ملازمین کو نہ نفع نہ نقصان کی بنیاد پر فراہم کیے جائیں گے۔ فاؤنڈیشن کے لیے فنڈز وفاقی اور صوبائی حکومت کی جانب سے گرانٹس کی صورت میں فراہم کیے جائیں گے۔ سیلاب متاثرین کے لیے تنخواہوں سے کٹوتی کا فیصلہ دوسری جانب خیبرپختونخوا حکومت نے حالیہ سیلاب سے متاثرہ افراد کی امداد اور بحالی کے لیے سرکاری ملازمین کی تنخواہوں سے کٹوتی کا فیصلہ بھی کیا ہے۔ محکمہ خزانہ کے اعلامیے کے مطابق: گریڈ 17 اور اس سے اوپر کے افسران کی دو دن کی بنیادی تنخواہ کاٹی جائے گیگریڈ 1 سے 16 کے ملازمین کی ایک دن کی بنیادی تنخواہ اگست 2025 کی ادائیگی سے منہا کی جائے گی اس فیصلے کا اطلاق صوبے کے تمام سرکاری، نیم سرکاری اور خود مختار اداروں کے ملازمین پر ہوگا محکمہ خزانہ نے بتایا کہ یہ اقدام صوبائی کابینہ کے حالیہ اجلاس میں متفقہ طور پر منظور کیا گیا ہے تاکہ سیلاب متاثرین کے لیے ہنگامی فنڈز اکٹھے کیے جائیں اور ریلیف و بحالی کی سرگرمیوں کو تیز کیا جا سکے۔
