سماجی کارکن اور نوبل انعام یافتہ ملالہ یوسف زئی نے ایکس پر جاری اپنے بیان میں کہا کہ نفرت اور تشدد ہمارے مشترکہ دشمن ہیں، میں پاکستان اور بھارت کے لیڈروں سے پرزور اپیل کرتی ہوں کہ وہ کشیدگی کو کم کرنے کے لیے اقدامات کریں۔ انہوں نے کہا کہ عالمی برادری کو سفارتکاری اور بات چیت کو فروغ دینے کیلئے کام کرنا چاہیے، امن ہی ہماری اجتماعی سلامتی اور خوشحالی کا واحد راستہ ہے۔ واضح رہے کہ گزشتہ شب بھارتی فوج نے بزدلانہ کارروائی کرتے ہوئے پاکستان کی شہری آبادی کو نشانہ بنایا جس متعدد افراد زخمی ہوئے ہیں۔ پاکستان نے بھارتی جارحیت کا بھرپور جواب دیتے ہوئے 5 جنگی طیارے مار گرائے، اسکے علاوہ بھارت کے 3 ڈرون اور متعدد کواڈ کاپٹرز کو بھی تباہ کیا۔
10
