میئر اور ڈپٹی میئر کراچی کے انتخاب کے لیے ووٹنگ کا عمل جاری ہے اور ذرائع کا کہنا ہے کہ ایوان میں اراکین کا شو آف ہینڈ کرا دیا گیا ہے۔اے آر وائی نیوز کے مطابق میئر اور ڈپٹی میئر کراچی کے انتخاب کے لیے ووٹنگ کا عمل جاری ہے، پولنگ شروع ہونے سے قبل آرٹس کونسل کا مرکزی دروازہ بند کر دیا گیا۔ ذرائع کا کہنا ہے کہ الیکشن کے لیے اراکین کا شو آف ہینڈ کرا دیا گیا ہے اور مرتضیٰ وہاب کو ووٹ دینے والوں کی گنتی کا اندراج کیا جا رہا ہے جب کہ جماعت اسلامی کے امیدوار حافظ نعیم کی جانب سے پولنگ روکنے کا مطالبہ کیا گیا ہے۔کے ایم سی کے مجموعی طور پر 366 ارکان نے ووٹ کاسٹ کرنا تھا تاہم 332 ارکان آرٹس کونسل پہنچے ہیں جب کہ 34 ارکان ووٹ ڈالنے کے لیے نہیں آئے ہیں۔ پ پی ٹی آئی کے 30 سے زائداراکین ووٹ کاسٹ کرنے کیلئے موجود نہیں ہیں ۔ دوسری جانب پی ٹی آئی کے تین گرفتار یوسی چیئرمین فردوس شمیم نقوی، ملک محمد اور محمد فراز کو بھی پروڈکشن آرڈر پر آرٹس کونسل لایا گیا ہے۔پولنگ سے قبل پی پی کے منتخب چیئرمین اور وائس چیئرمین آرٹس کونسل پہنچے جن کو بس میں لے کر آیا گیا۔ ان کے ہمراہ امیدوار برائے میئر اور ڈپٹی میئر مرتضیٰ وہاب اور سلمان مراد بھی موجود تھے۔دوسری جانب میئر، ڈپٹی میئر، چیئرمین اور وائس چیئرمین انتخابات کے لیے اسلام آباد سیکریٹریٹ میں کنٹرول روم قائم کر دیا گیا ہے جو کل صبح 8 بجے تک کام کرے گا۔’میئر الیکشن کے دوران کسی بھی صورتحال سے نمٹنے کیلیے قیدی وین بھی موجود ہے‘واضح رہے کہ میئر الیکشن سے قبل پیپلز پارٹی کے نامزد امیدوار نے آرٹس کونسل کے باہر میڈیا سے گفتگو کرتے ہوئے دعویٰ کیا ہے کہ ہمارا 173 کا نمبر پورا ہے۔ ہمارے 155 اراکین ہیں جب کہ ہمارے اتحادیوں ن لیگ کے 14 اور 4 جے یو آئی کے اراکین ہیں۔
72
