گلستان جوہر میں شہری کی فائرنگ سے ڈاکوکی ہلاکت کا واقعہ پیش آیا ہے

گلستان جوہر میں پیش آنے والے واقعے کی سی سی ٹی وی فوٹیج اے آر وائی نیوز نے حاصل کرلی ہے، فوٹیج میں پیدل آنیوالے 2 ملزمان کو سفید گاڑی کی ریکی کرتے دیکھا جاسکتا ہے، گاڑی رکتے ہی دونوں ملزمان ڈرائیونگ سائیڈ پر آئے۔اس دوران گاڑی میں سوار شہری نے اترنے سے پہلے ہی ملزمان پر فائرنگ کردی، فوٹیج میں شہری کو ڈاکوؤں پر فائرنگ کرتے دیکھا جاسکتا ہے۔فوٹیج میں بھاگتے ملزمان کو فائرنگ کرتے ہوئے دیکھا جاسکتا ہے، پولیس نے بتایا کہ شہری کی فائرنگ سے ہی ڈاکو ہلاک ہوا۔گلستان جوہر منور چورنگی کے قریب ڈاکو کی ہلاکت کا مقدمہ درج کرلیا گیا ہے، واقعہ کا مقدمہ شاہراہ فیصل تھانے میں متاثرہ شہری کی مدعیت میں درج کیا گیا۔پولیس نے بتایا کہ مقدمے میں ڈکیتی لوٹ مار کی دفعات شامل کی گئی ہے، 3 ملزمان نے گاڑی چھیننے کی کوشش کی تھی، شہری کی فائرنگ سے ایک ڈاکو ہلاک 2 فرار ہوگئے تھے۔