وزیراعظم شہباز شریف کی ہدایت پر غریب عوام کو ریلیف دینے کے لیے یوٹیلیٹی اسٹورز پر گھی کی قیمت میں مزید 30 روپے فی کلو کمی کر دی گئی ہے۔ اب گھی فی کلو قیمت 365 روپے سے کم کر کے 335 روپے مقرر کر دی گئی ہے ذرائع نے بتایا ہے کہ یوٹیلیٹی استورز پر گھی کی قیمت میں کمی کا اطلاق یکم رمضان المبارک (آج) سے ہی کر دیا گیا ہے وزیراعظم کے اس ہدایت نامے کے بعد گھی کی فی کلو قیمت پر سبسڈی 70 روپے سے بڑھ کر 100 روپے ہو گئی ہے رمضان المبارک سے قبل عوام کے لیے بڑی خوشخبری واضح رہے کہ وزیراعظم شہباز شریف نے گزشتہ روز یوٹیلیٹی اسٹورز پر رمضان بیکیج میں مزید 5 ارب روپے اضافے کی منظوری دی تھی اور رمضان پیکیج ساڑھے 7 ارب سے بڑھا کر ساڑھے 12 ارب روپے کر دیا تھا۔
