چوک سرور شہید کے علاقے لیہ روڈ پر تیز رفتار ٹریلر نے دو موٹر سائیکلوں کو ٹکر مار دی جس کے نتیجے میں ایک طالبہ سمیت 5 طالبعلم موقع پر جاں بحق ہوگئے۔ریسکیو ذرائع کے مطابق جاں بحق ہونے والوں میں عبداللہ، عبدالرحمان، محمد عادل، دعا فاطمہ اور باسط شامل ہیں، جن کی عمریں 10 سے 16 سال کے درمیان بتائی جا رہی ہیں۔ حادثہ اس وقت پیش آیا جب بچے اسکول جا رہے تھے۔اطلاع ملتے ہی پولیس اور ریسکیو ٹیمیں موقع پر پہنچ گئیں اور لاشوں کو اسپتال منتقل کیا گیا۔ حادثے کے بعد ٹریلر ڈرائیور گاڑی سمیت فرار ہوگیا، جبکہ پولیس نے اس کی تلاش شروع کر دی ہے۔
