پاکستان اور بنگلا دیش کے درمیان براہ راست فضائی رابطے کی بحالی کی جانب ایک اہم پیش رفت سامنے آئی ہے۔ بنگلا دیش کی قومی ایئرلائن بیمان بنگلا دیش ایئرلائن نے کراچی کے لیے براہ راست پروازوں کا باقاعدہ شیڈول جاری کر دیا ہے۔ایئرلائن پہلی براہ راست پرواز 29 جنوری کو ڈھاکا سے کراچی کے لیے روانہ ہوگی، جبکہ ڈھاکا اور کراچی کے درمیان ہفتہ وار دو پروازیں چلائی جائیں گی۔بیمان ایئرلائن نے ان پروازوں کے لیے بکنگ کا آغاز بھی کر دیا ہے، اور بکنگ کھلتے ہی پہلی پرواز کی تمام نشستیں چند گھنٹوں میں مکمل طور پر فروخت ہو گئیں، جو دونوں ممالک کے درمیان سفر کی بڑھتی ہوئی طلب کا واضح ثبوت ہے۔ کہ پاکستان اور بنگلا دیش کے درمیان براہ راست فضائی رابطے کی بحالی سے تجارتی، کاروباری اور عوامی روابط کو فروغ ملے گا، جبکہ مسافروں کو کم وقت اور آسان سفر کی سہولت حاصل ہو سکے گی۔ ماہرین کے مطابق یہ اقدام دونوں ممالک کے دوطرفہ تعلقات میں بہتری اور سیاحت سمیت مختلف شعبوں میں تعاون کے نئے مواقع پیدا کرے گا۔
