8

این اے 148 ملتان میں ضمنی الیکشن کیلئے پولنگ:بیرسٹر تیمور ملک اور علی قاسم گیلانی میں کانٹے ڈار مقابلہ متوقع

قومی اسمبلی کے حلقہ این اے 148 میں ضمنی انتخاب کیلئے پولنگ کا عمل جاری ہے۔ الیکشن کمیشن کے مطابق پولنگ بغیر کسی وقفے کے شام 5 بجے تک جاری رہے گی، حلقے میں مجموعی طور پر 7 امیدوار میدان میں ہیں، پیپلز پارٹی کے علی قاسم گیلانی اور سنی اتحاد کونسل کے تیمور الطاف ملک میں کا ٹنے کا مقابلہ ہے حلقے میں کل ووٹر کی تعداد 4 لاکھ 44 ہزار 231 ہے جن میں 2 لاکھ 33 ہزار 624 مرد جبکہ 2 لاکھ 10 ہزار 607 خواتین ووٹر ہیں۔ الیکشن کمیشن کے مطابق حلقے میں 275 پولنگ سٹیشن قائم کئے گئے ہیں، خواتین اور مرد ووٹرز کیلئے 72، 72 پولنگ سٹیشن مختص کئے گئے جبکہ 131 پولنگ سٹیشن مشترکہ ہیں۔ الیکشن کمیشن نے ان پولنگ سٹیشنز میں سے 69 کو حساس قرار دیا ہے، 3 ہزار800 پولیس افسرو اہلکار سکیورٹی فرائض انجام دیں گے واضح رہے کہ حلقے میں یوسف رضا گیلانی کامیاب ہوئے تھے، ان کے سینیٹر بننے پر سیٹ خالی ہوئی تھی۔ ووٹ کاسٹ کرنے کے بعد میڈیا سے گفتگو کرتے ہوئے رہنما سنی اتحاد کونسل بیرسٹر تیمور ملک نے کہا ہے کہ ہمارے سامنے رزلٹ اور فارم 45 آئیں گے، پچھلی بار بھی 104 کا فرق رکھا گیا، دوبارہ گنتی نہیں کرائی گئی۔ بیرسٹر تیمور ملک کا کہنا تھا کہ میرے جیسا وکیل اور شہری چاہتا ہے پرامن احتجاج ہے، صبح اچھی ہوئی ہے، ووٹر ٹرن آؤٹ اس وقت توقع سے زیادہ ہے، لوگ ووٹ ڈالنے کیلئے نکلے ہیں، حق کی فتح ہوگی۔

اس خبر پر اپنی رائے کا اظہار کریں

اپنا تبصرہ بھیجیں