چیئرمین ہائر ایجوکیشن کمیشن (هيک) اسلام آباد پروفیسر ڈاکٹر مختار احمد نے سیکھنے کے لیے سازگار ماحول پیدا کرنے اور انڈسٹری اور اکیڈمی تعاون کو فروغ دینے پر زور دیا ہے۔ انہوں نے شہید اللہ بخش سومرو (سيبس) یونیورسٹی آف آرٹ، ڈیزائن اینڈ ہیریٹیجز، جامشورو میں مالی مشکلات کو دور کرنے اور اعلیٰ معیار کی تعلیمی سہولیات فراہم کرنے کی یقین دہانی کرائی۔ ڈاکٹر مختار نے ہدایت کی کہ مستقبل میں تقرریاں خالصتاً عارضی اور پنشن کے بغیر کی جا ئیں لیکن نئی تقرریوں کے لیے خصوصی پیکج تیار کیا جائے ان خیالات کا اظہار انہوں نے سيبس یونیورسٹی جامشورو کے دورہ کے موقع پر چیئرپرسنز، انتظامی عملے اور دیگر حکام سے گفتگو کرتے ہوئے کیا۔ وائس چانسلر سيبس یونیورسٹی پروفیسر ڈاکٹر ارابیلا بھٹو نے اپنی ٹیم کے ہمراہ ان کا استقبال کیا۔ ڈاکٹر مختار احمد نے سيبس یونیورسٹی جامشورو میں مرکزی لائبریری اور کینٹین کا سنگ بنیاد رکھا۔ ایسی ممتاز شخصیت کا دورہ سيبس یونیورسٹی کی اہمیت اور نسبتاً کم وقت میں قابل ذکر پیش رفت کو واضح کرتا ہے۔ دورے کے دوران چیئرمین، کیمپس کا دورہ، فیکلٹی کے ساتھ بات چیت اور طلباء کی طرف سے ترتیب دیئے گئے آرٹ ڈسپلے سميت مختلف سرگرمیوں میں مصروف رہے۔ هيک کے چیئرمین نے وی سی سيبس، فیکلٹی ممبران اور انتظامی عملے کے ساتھ میٹنگ کی، جہاں تعلیمی معیار کو بڑھانے اور یونیورسٹی کی موجودہ مالیاتی پوزیشن سے متعلق امور پر تبادلہ خیال کیا گیا ڈاکٹر مختار احمد نے سيبس انتظاميه اور وائس چانسلر ڈاکٹر ارابیلا بھٹو کی طرف سے کیمپس میں تعلیم کے ساتھ ساتھ تحقیقی معیار کو فروغ دینے اور بلند کرنے کے لیے کی جانے والی شاندار کاوشوں اور لگن کو سراہا۔ چیئرمین نے اعلیٰ تعلیم کے شعبے میں سيبس کی تعریف کی اور دستیاب ذرائع سے دنیا بھر میں اس کا اپنا نام، شہرت اور پہچان حاصل کرنے پر زور دیا۔ انہوں نے معیاری تعلیم، تحقیق اور انوويشن کی بنیاد پر یونیورسٹی کو بہترین کارکردگی کی طرف گامزن کرنے میں ڈاکٹر بھٹو کی غیر معمولی قیادت کی تعریف کی۔ ڈاکٹر مختار احمد نے قریبی علاقوں میں ٹیکسٹائل، گارمنٹس اور دیگر صنعتوں سے تعاون کرنے پر زور دیا تاکہ سیکھنے کا سازگار ماحول پیدا کیا جا سکے اور صنعت اور اکیڈمی کے تعاون کو فروغ دیا جا سکے۔ وائس چانسلر ڈاکٹر ارابیلا بھٹو نے هيک چيئرمين کو بتايا که اس سلسلے ميں هيک اور نسٹ کی جانب سے يونيوسٹی ميں انٹليکچوئل پراپرٹی (آئی پی) پاليسی بنائی گئی هے اور يونيورسٹی ميں آئی پی سپورٹ سينٹر کے قيام کے لئے آئی پی او چيئرمين سے بات چيت کی هے۔ ڈاکٹر مختار احمد نے ہدایت کی کہ یونیورسٹیوں کو درپیش مالی بحران کو مدنظر رکھتے ہوئے مستقبل میں تقرریاں خالصتاً عارضی اور بغیر پنشن کے معیار پر کی جائیں لیکن نئی تقرریوں کے لیے خصوصی پیکج وضع کیا جائے۔ اس موقع پر ڈاکٹر ارابيلا بھٹو نے آگاه کيا که سيبس ميں پهلے هی اسپيشل پے اسکيل منظور کيا جا چکا هے۔ آخر میں انہوں نے سيبس یونیورسٹی کو درکار مالی، اخلاقی اور تکنیکی مدد فراہم کرنے کی یقین دہانی کرائی اور مجموعی طور پر ملکی معاشی حالات مستحکم ہونے پر اسے مزید بڑھانے کا ارادہ کیا قبل ازیں ڈپٹی ڈائریکٹر فنانس آصف علی شر نے ڈاکٹر مختار کو مالی معاملات، اخراجات، فیس کے ڈھانچے، انفراسٹرکچر، پنشن اور دیگر متعلقہ امور کے بارے میں بریفنگ دی۔ چیئرمین کے ہمراہ ڈائریکٹر ایچ ای سی جاوید میمن اور وائس چانسلر سندھ ایگریکلچر یونیورسٹی ٹنڈوجام پروفیسر ڈاکٹر فتح محمد مری بھی موجود تھے۔ وائس چانسلر سيبس ڈاکٹر ارابیلا بھٹو نے مہمانوں کو روایتی اجرک اور تحائف پيش کيے۔
