اسلام آباد : چیف جسٹس قاضی فائزعیسٰی کی سربراہی میں فل کورٹ آج سپریم کورٹ پریکٹس اینڈ پروسیجر ایکٹ کیس کی سماعت کرے گا تفصیلات کے مطابق سپریم کورٹ پریکٹس اینڈ پروسیجر ایکٹ کیس کی سماعت آج ہوگی ، چیف جسٹس قاضی فائزعیسٰی کی سربراہی میں فل کورٹ ساڑھے 9 بجے سماعت کرے گا، فل کورٹ میں سپریم کورٹ کے تمام 15 ججز شامل ہیں سابق چیف جسٹس عمر عطا بندیال کی سربراہی میں 8 رکنی لاجربنچ نے بل پر حکم امتناع دیا تھا جسٹس قاضی فائز عیسٰی کا بطو رچیف جسٹس یہ پہلامقدمہ ہوگا ، چیف جسٹس قاضی فائزعیسٰی گزشتہ 5 ماہ سے کوئی مقدمہ نہیں سن رہے تھے چیف جسٹس قاضی فائزعیسٰی نے فوجی عدالتوں سے متعلق کیس میں نوٹ کے ذریعے پریکٹس اینڈ پروسیجر ایکٹ کے فیصلہ تک مقدمات سننے سے معذرت کی تھی اور اپریل سے چیمبرورک کررہے تھے سابق وفاقی حکومت نے سپریم کورٹ پریکٹس اینڈ پروسیجر ایکٹ کے زریعے چیف جسٹس کے اختیارات کو ریگولیٹ کیاتھا ، بل میں بنچز کی تشکیل، مقدمات کی فیکسیشن اور ازخودنوٹس کے طریقہ کار کو ریگولیٹ کیا گیا تھا بل میں آرٹیکل 184 تین کے تحت سپریم کورٹ میں دائر درخواستوں پر اپیل کا حق دیا گیا تھا اور چیف جسٹس کے پاس موجود اختیارات کو تین ججز پر مشتمل کمیٹی بنانے کا قانون بنایا تھا پریکٹس اینڈپروسیجرایکٹ کیس کی سماعت سے قبل فل کورٹ میٹنگ ہونے کا امکان ہے، فل کورٹ میٹنگ میں پریکٹس اینڈ پروسیجر ایکٹ کیس کی سماعت لائیو دکھانے سے متعلق غور ہوگا۔
53
