اسلام آباد: یورپ میں فضائی سفر متاثر ہوا، جب جمعرات کو متعدد مسافر طیاروں کو بم سے اڑانے کی دھمکیاں موصول ہوئیں۔ اس واقعے کے نتیجے میں کئی پروازوں کا رخ موڑنا پڑا اور بعض طیاروں نے ہنگامی لینڈنگ کی۔
خبر رساں ادارے روئٹرز کے مطابق، پانچ نومبر کو یورپی فضائی کمپنیوں کو بم کی دھمکیاں موصول ہونے کا یہ دوسرا واقعہ ہے۔ اس کے بعد فرانس، بلغاریہ، اٹلی، چیک ریپبلک اور دیگر ممالک میں سکیورٹی کے سخت اقدامات کیے گئے۔
حکام نے بتایا کہ اب تک کسی طیارے سے دھماکہ خیز مواد برآمد نہیں ہوا ہے، لیکن سکیورٹی فورسز نے تمام ممکنہ خطرات کا جائزہ لینے کے لیے فوری کارروائی کی۔
یہ دھمکیاں اس سے قبل منگل کو بھی موصول ہوئی تھیں، جب یورپ میں کم از کم سات مسافر پروازوں اور ایک کروز جہاز کو بم کی دھمکیاں دی گئیں، لیکن وہاں بھی کسی جگہ سے دھماکہ خیز مواد نہیں ملا۔
یورپی ممالک کی حکومتیں اس صورتحال پر گہری نظر رکھے ہوئے ہیں اور عوامی تحفظ کو یقینی بنانے کے لیے ہر ممکن اقدام کر رہی ہیں۔
