تفصیلات کے مطابق پاکستان کے دورے پر آئے سعودی سرمایہ کار وفد نہ ایس آئی ایف سی کی معاونت سے پاکستان میں 2.2 ارب ڈالر کے 28 معاہدوں اور مفاہمت کی یادداشتوں پر دستخط کیے ہیں۔ جن کے تحت سعودی عرب معدنیات کے شعبے، تیل اور گیس کے شعبوں، سائبر سیکیورٹی، ٹیکسٹائل کے منصوبوں میں سرمایہ کاری کرے گا جبکہ سعودی کمپنی شیل پاکستان کے 77 فیصد شیئرز خریدے گی۔ سعودی عرب معدنیات کے شعبے، تیل اور گیس کے شعبوں، سائبر سیکیورٹی، ٹیکسٹائل کے منصوبوں میں سرمایہ کاری کرے گا جبکہ معاہدوں کے تحت سعودی عرب پاکستان میں ٹیکسٹائل مل قائم کرے گا۔ سعودی عرب کے ساتھ تعمیراتی، ٹرانسپورٹ، تیل اور گیس کے شعبوں میں سرمایہ کاری کے معاہدے کیے گئے، سائبر سیکیورٹی کے منصوبوں میں سرمایہ کاری ہو گی سعودی عرب پاکستان سے مصالحہ جات امپورٹ کرے گا ساتھ ہی سعودی عرب پاکستان سے تازہ سبزیوں کی خریداری کرے گا۔ پاکستان سے الیکٹرک آلات کی مشترکہ پیداوار کرے گا اور سعودی عرب پاکستان سے افرادی قوت کو روزگار فراہم کرے گا جبکہ ای تعلیم کے شعبے میں تعاون کا معاہدہ کیا گیا۔ مفاہمتی یادداشتوں کے تبادلے کی تقریب میں وزیر اعظم شہباز شریف اور آرمی چیف جنرل عاصم منیر شریک ہوئے، وزیر اعظم شہباز شریف نے خطاب کے دوران کہا کہ سعودی عرب کے ساتھ تعاون کے معاہدے نئی پیشرفت ہے، سعودی عرب کی 2 ارب ڈالر سے زائد کی سرمایہ کاری کا خیر مقدم کرتے ہیں، سعودی وزیر سرمایہ کاری کی سربراہی میں وفد کا پاکستان کا دورہ اہمیت کا حامل ہے۔ وزیراعظم کا کہنا تھا کہ شہزادہ محمد بن سلمان پاکستان کی ترقی میں خصوصی دلچسپی رکھتے ہیں، وقت کے ساتھ دونوں ملکوں کی شراکت داری مزید مستحکم ہوگی، معاہدوں پر عملدرآمد کیلیے تمام اقدامات یقینی بنائیں گے، سعودی معیشت کی ترقی میں شہزاد خالدبن عبدالعزیز کا اہم کردار ہے۔ انھوں نے کہا کہ معاہدے طے پائے جانے سے دونوں ملکوں کے درمیان مستقبل میں اقتصادی روابط اور تعاون مزید بڑھے گا، سرمایہ کاری میں حائل تمام رکاوٹیں دور کرنے کیلیے پرعزم ہیں، آئی ایم ایف کے ساتھ اسٹینڈ بائی ارینجمنٹ پروگرام کامیابی سے مکمل کیا۔ وزیراعظم کا مزید کہنا تھا کہ آئی ایم ایف پروگرام میں تعاون کیلئے سعودی عرب، یو اے ای اور چین کے مشکور ہیں، پرعزم ہیں کہ آئی ایم ایف کا یہ آخری پروگرام ہوگا، حکومتی اقدامات کی بدولت اقتصادی اشاریے بہتر ہو رہے ہیں۔ سعودی وفد آج بھی دورہ پاکستان کے دوران مصروف دن گزارے گا طے شدہ شیڈول کیمطابق سعودی وفد 11 اکتوبر کو نیشنل ایروسپیس سائنس اینڈ ٹیکنالوجی پارک کا دورہ کرے گا، تین روزہ دورہ مکمل ہونے پر وفد آج روانہ ہو جائے گا۔ عشائیے میں آرمی چیف جنرل سید عاصم منیر نشان امتیاز ملٹری سعودی وزیر سرمایہ کاری خالد بن عبد العزیز الفالح کے دائیں جانب بیٹھے اور ان سے دو طرفہ دلچسپی کے امور پر تبادلہ خیال بھی کرتے رہے۔
19
