پشاور ہائی کورٹ نے خیبر پختونخوا میں بجلی کی غیر اعلانیہ لوڈشیڈنگ کے خلاف دائر درخواست پر فیصلہ جاری کرتے ہوئے پیسکو کو ہدایت کی ہے کہ رمضان المبارک کے دوران سحری اور افطار کے اوقات میں لوڈشیڈنگ نہ کی جائے۔عدالت نے کہا کہ اگر لوڈشیڈنگ ناگزیر ہو تو شفاف شیڈول جاری کیا جائے اور غیر اعلانیہ لوڈشیڈنگ سے اجتناب کیا جائے۔پیسکو کو ہدایت کی گئی کہ بجلی کی پیداوار اور تقسیم کے تمام ممکنہ وسائل استعمال کیے جائیں تاکہ رمضان میں بجلی کی فراہمی یقینی بنائی جا سکے۔فیصلے میں واضح کیا گیا کہ عدالت 24 گھنٹے بلا تعطل بجلی کی فراہمی کا حکم نہیں دے سکتی، لیکن غیر اعلانیہ لوڈشیڈنگ سے گریز کرنا لازمی ہے۔سپریم کورٹ کے فیصلے کے مطابق بجلی کی پیداوار اور تقسیم پر عملدرآمد یقینی بنانے کا بھی حکم دیا گیا۔رخواست گزار اور عدالت کی کارروائیتین وکلاء نے لوڈشیڈنگ کے خاتمے کے لیے درخواست دائر کی تھی۔
سماعت کے دوران پیسکو کے وکیل نے عدالت کے دائرہ اختیار پر اعتراض کیا کہ معاملہ متعلقہ اپیلیٹ ٹریبونل کے پاس جانا چاہیے، تاہم عدالت نے اپنے فیصلے میں واضح ہدایات جاری کرتے ہوئے رمضان میں بجلی کی ترسیل یقینی بنانے کا حکم دیا۔اہم نکاترمضان کے دوران سحری اور افطار کے اوقات میں لوڈشیڈنگ ممنوع غیر اعلانیہ لوڈشیڈنگ سے گریز لازمیشفاف شیڈول کے تحت بجلی کی ترسیل سپریم کورٹ کے فیصلوں پر عملدرآمد لازمی
