بھارت کے گوالیار میں انسٹاگرام ریل بنانے کے جنون نے ایک نوجوان کو آدھے گھنٹے تک سیلابی پانی میں لاش بن کر تیرنے پر مجبور کر دیا۔منظر اور پولیس کا ردعمل غیر ملکی ذرائع ابلاغ کے مطابق مقامی لوگوں نے جب یہ منظر دیکھا تو فوراً پولیس کو اطلاع دی۔ پولیس جب موقع پر پہنچی تو وہ دنگ رہ گئے کیونکہ پانی میں تیرتی “لاش” اچانک حرکت کرنے لگی۔اس دوران وہاں موجود لوگوں کا ہجوم ڈیم کے قریب جمع ہو گیا اور کچھ لوگ نوجوان کی شناخت کرنے کی کوشش کر رہے تھے۔نوجوان کی شناخت پولیس نے نوجوان کو پکڑ کر پوچھ گچھ کی تو پتہ چلا کہ اس نے یہ سب انسٹاگرام ریل کے لیے کیا تھا۔ نوجوان نے کیمرہ لگا رکھا تھا اور اس کی ریکارڈنگ آدھے گھنٹے سے جاری تھی۔پولیس کی کارروائی
پولیس نے نوجوان کو موقع پر کنٹرول کیا اور بعد میں اپنے ساتھ لے گئی۔ بعد ازاں نوجوان کی کونسلنگ کی گئی اور اسے رہا کر دیا گیا۔گوالیار کے سی ایس پی کے مطابق مذکورہ نوجوان ارون گاؤں کا رہائشی ہے اور اس کا نام ٹکو سنگھ ہے۔ نوجوان نے پولیس سے معافی بھی مانگی اور اسے آئندہ ایسی حرکتیں نہ کرنے کی تاکید کی گئی۔
