پنجاب کے مختلف اضلاع میں حالیہ بارشوں اور سیلاب کے بعد شہریوں اور مویشیوں کو محفوظ مقامات تک پہنچانے کے لیے پنجاب سیف سٹی اتھارٹی نے تھرمل امیجنگ ڈرون ٹیکنالوجی کا کامیاب استعمال کیا ہے حکام کے مطابق جدید ڈرونز کے ذریعے سیالکوٹ، سرگودھا، گجرات اور جھنگ سمیت متعدد اضلاع میں پھنسے ہوئے افراد اور مویشیوں کو تلاش کیا گیا رپورٹ کے مطابق تھرمل امیجنگ ڈرونز کی مدد سے اب تک 800 متاثرین کی بروقت نشاندہی اور ریسکیو ممکن بنایا گیا ہے وزیراعلیٰ پنجاب مریم نواز نے بھی اپنے سوشل میڈیا اکاؤنٹ پر ریسکیو آپریشنز میں مدد کرنے پر پی ایس سی اے ٹیم کی کارکردگی کو سراہا۔
