تفصیلات کے مطابق پاکستان تحریک انصاف کے بانی کی ہمشیرہ ،علیمہ خان نے میڈیا سے گفتگو میں بھائی سے ملاقات کے حوالے سے بتاتے ہوئے کہا بانی پی ٹی آئی نے کہا جمہوریت کے 3 ستون ہے، انہوں نے تینوں ستونوں کوز میں بوس کردیا ہے، سارے چوروں سے اسمبلی کو بھر دیا گیا ہے، چوری کیے ووٹ سے 26 ویں آئینی ترمیم کروادی۔
علیمہ خان کا کہنا تھا کہ بانی نے بتایا پہلے آپ تھوڑے غلام تھے، اب مکمل غلام بن چکے۔
عمران خان کی ہمشیرہ نے بتایا کہ بانی نے کہا ہے کہ 24 نومبر کو باہر نکل کر غلامی سے نجات حاصل کریں، جب حق کیلئے کھڑے ہوں گے تو کوئی چیز آزادی سے روک نہیں سکے گی۔
ان کا مزید کہنا تھا کہ بانی پی ٹی آئی نےاوورسیزپاکستانیوں کیلئےضروری پیغام بھیجا ہے اور کہا کہ جب پاکستان پر مشکل وقت تھا تو سب سے زیادہ اوورسیز نے آواز اٹھائی۔
علیمہ خانم نے مزید بتایا کہ بانی نے اوورسیزپاکستانیوں سے کہا اپنے اپنے ممالک میں باہرنکلیں، 20 کروڑ میں سے 2 لاکھ بھی نکل آئیں تو اپنے تمام قیدیوں کو نکلوا سکیں گے۔
