تفصیلات کے مطابق قومی اسمبلی اور سینیٹ کے اجلاس آج پھر ہوں گے، قومی اسمبلی کے بعد سینیٹ اجلاس کا وقت بھی تبدیل کردیا گیا، دونوں ایوانوں کا اجلاس آج شام چھے بجے ہوگا۔ اجلاسوں کا ایجنڈا جاری کردیا گیا ہے ، دونوں ایوانوں کے ایجنڈے میں آئینی ترامیم کا بل شامل نہیں۔ قومی اسمبلی کے 15 نکاتی ایجنڈے میں بتایا گیا کہ آئینی ترمیم سپلیمنٹری ایجنڈا کےطورپرلائی جائےگی ، ڈیپازٹ پروٹیکشن کارپوریشن ترمیمی بل2024قانون سازی کے لئے پیش ہوگا۔ ایجنڈے میں کہا گیا ہے کہ املاک کےتحفظ کے لئے خصوصی عدالت کےقیام کاقانون2024 پیش ہوگا، نیشنل کمیشن آن دا سٹیٹس آف ویمن ترمیمی بل2024 پیش کیا جائے گا۔ پاکستان انفراسٹرکچر ڈویلپمنٹ اینڈ ایسٹ منیجمنٹ اتھارٹی بل2024 پیش کیا جائے گا،بائیولوجیکل اینڈٹوکسن ویپن کنونشن عملدرآمدبل2024 پیش کیا جائے گا، لیگل ایڈاینڈجسٹس اتھارٹی ترمیمی بل پرقائمہ کمیٹی کی رپورٹ پیش کی جائےگی۔ جنرل سیلزٹیکس اکٹھاکرنے میں بے قاعدگیوں سےمتعلق توجہ دلاؤنوٹس اور ریلوےملازمین کوتنخواہوں کی ادائیگی میں ناکامی سےمتعلق توجہ دلاؤنوٹس ایجنڈے میں شامل ہیں۔ دوسری جانب سینیٹ کا اجلاس کا بھی 7نکاتی ایجنڈا جاری کردیا ہے، آئینی ترمیم سپلیمنٹری ایجنڈاکےطورپرلائی جائےگی،سینیٹ اجلاس میں 3کمیٹیوں کی رپورٹس پیش کی جائیں گی۔ بلوچستان یونیورسٹی میں بھوک ہڑتال،تنخواہوں کی عدم ادائیگی پرتوجہ دلاؤ نوٹس شامل ہیں ، صدر کے دونوں ایوانوں سے خطاب پر شکریہ کی تحریک پربحث ایجنڈے کا حصہ ہے۔ ترجمان قومی اسمبلی نے کہا ہے کہ سیکیورٹی وجوہات پرقومی اسمبلی اجلاسوں میں مہمانوں کےداخلےپرپابندی عائد کردی ہے ، پریس گیلری کارڈرکھنےوالےمیڈیانمائندوں کوداخلے کی اجازت ہو گی ، ون ڈے پریس گیلری کارڈ جاری کرنے پر سختی کی گئی ہے۔
7
