25

بجٹ سے قبل عوام کو بجلی کا جھٹکا دینے کی تیاری :3 روپے 49 پیسے فی یونٹ مہنگی کرنے کی درخواست نیپرا میں دائر

بجٹ سے قبل شہریوں کو بجلی کا زوردار جھٹکا دینے کی تیاری کرلی گئی ہے اور بجلی 3 روپے 49 پیسے فی یونٹ مہنگی کرنے کی درخواست نیشنل الیکٹرک پاور ریگولیٹری اتھارٹی (نیپرا) میں دائر کردی گئی ہے سینٹرل پاور پرچیزنگ ایجنسی (سی پی پی اے) نے بجلی کی قیمت میں اضافہ اپریل کی ماہانہ ایڈجسٹمنٹ میں مانگا ہے۔ نیپرا بجلی کی قیمت میں اضافے کی درخواست پر 30 مئی کو سماعت کرے گی بجلی 3 روپے 49 پیسے مہنگی کرنے کی درخواست کی من و عن منظوری سے بجلی صارفین پر تقریباً 35 ارب روپے کا بوجھ پڑے گا۔ بجلی کی قیمت میں اضافے کا اطلاق کے الیکڑک صارفین پر نہیں ہوگا۔ نیپرا نے مارچ کی ایڈجسٹمنٹ میں بھی بجلی 2 روپے 84 پیسے فی یونٹ مہنگی کی تھی اور اس کا اطلاق رواں ماہ کے بلز میں کیا گیا ہے سی پی پی اے کی رپورٹ کے مطابق اپریل 2024 میں مجموعی طور پر 8,639 GWh بجلی پیدا کی گئی جبکہ کمپنیوںکو 75.205 بلین روپے ادا کئے گئے۔درخواست گزار نے 3.06 بلین روپے کی پسماندہ ایڈجسٹمنٹ (صارفین کو ادائیگی) کرنے کا بھی فیصلہ کیا ہے۔

اس خبر پر اپنی رائے کا اظہار کریں

اپنا تبصرہ بھیجیں