18

قائمہ کمیٹیوں کی تقسیم کے لیے فارمولا تیار

تفصیلات کے مطابق قومی اسمبلی کی قائمہ کمیٹیوں کی تشکیل کے سلسلے میں اسپیکر سے حکومت اور اپوزیشن پارلیمانی لیڈرز اور چیف وہپ نے مشاورت کی ذرائع کا کہنا ہے کہ قومی اسمبلی سیکرٹریٹ نے پارلیمانی جماعتوں کے عددی تناسب سے قائمہ کمیٹیوں کی تقسیم کا فارمولا تیار کر لیا ہے، اسی فارمولے کے تحت حکومت اور اپوزیشن میں کمیٹیوں کی تقسیم ہوگی ذرائع کے مطابق حکمران اتحاد کو 26 اور اپوزیشن جماعتوں کو 11 کمیٹیوں کی سربراہی دینے کی تجویز دی گئی ہے، قومی اسمبلی کی فنانس کمیٹی اور ہاؤس بزنس مشاورتی کمیٹی کے سربراہ اسپیکر خود ہوں گے پارلیمانی کشمیر کمیٹی کی سربراہی حکمران جماعت کو ملے گی، پبلک اکاؤنٹس کمیٹی کے چیئرمین اپوزیشن سے ہوں گے، پی اے سی اور کشمیر کمیٹی کے اراکین 30،30 رکھنے کی تجویز دی گئی ہے، قومی اسمبلی کی ہاؤس کمیٹی کے سربراہ ڈپٹی اسپیکر ہوں گے ذرائع کے مطابق ہر کمیٹی میں حکمران اتحاد کے اراکین کی اکثریت ہوگی، 8 کمیٹیوں کی سربراہی پی پی، 2 ایم کیو ایم، ق لیگ اور آئی پی پی کو 1،1 سربراہی دینے کی تجویز سامنے آئی ہے، 14 کمیٹیوں کی سربراہی ن لیگ کو ملنے کا امکان ہے، اس سلسلے میں حتمی فارمولا اسپیکر کی زیر صدارت اجلاس میں طے ہوگا۔

اس خبر پر اپنی رائے کا اظہار کریں

اپنا تبصرہ بھیجیں